Berdeago Azoka Durangora itzuliko da aurten ere martxoaren 22, 23 eta 24an. Azken edizioan 60 stand baino gehiago eta 10.000 bisitari izan ostean, Durangoko Landako Guneak beste urte batez hartuko du Azoka, 80 erakustoki baino gehiago eskainiz.

Jasangarritasunaren Euskal Azokak entitate publiko eta pribatuak zein erakundeak eta herritarrak oro har biltzen ditu kontsumo arduratsuaren , energia-eraginkortasunaren eta ingurumen-berrikuntzaren inguruan.

Azokak bi gai nagusi ditu, Berdeago Nature eta Berdeago Energy, presentzia bateratua izango dutenak asteburuan zehar.

• Berdeago Nature: kontsumo arduratsuari eskainia, elikadura ekologikoa eta km0, moda iraunkorra edota kosmetika naturala bezalako arloak barne hartuz.
• Berdeago Energy: energia-eraginkortasuna, ingurumen-berrikuntza, mugikortasun eta eraikuntza iraunkorra eta ekonomia zirkularra sustatzera bideratua.

Bestalde, azokak Zirkulo Berdea Gunea eskainiko du, erakusketariek katak edo tailerrak bezalako jarduerak antolatzeko gunea.