Bizkaiko Foru Aldundiak on line plataforma berri bat jarri du abian, bertan bere enplegu-programa guztiak kontsulta agin ahal izateko.

Lanean ari bazara edo langabezian bazaude, aurretik esperientzia baduzu edo zure lehen lanaren bila bazabiltza, edo duzun prestakuntza edozein izanda ere, Bizkaiko enplegu-atarian aurkituko dituzu zurekin bat datozen baliabideak.

Bizkaiko enplegu-atari berriak web orri bat eskaintzen dizu. Bertan, Aldundiaren enplegu-programak kontsultatzeaz gain, klik bakar batez programa horietan izena eman ahal izango duzu. Eta interesatzen zaizun programa berri bat sortzen bada webguneak jakinaraz diezazun, alta eman besterik ez duzu egin behar esteka honetan, zure profil pertsonala osatuz. Erabiltzaile gisa erregistratzen zarenean, Androiderako eta IOSerako aplikazioa jaitsi ahal izango duzu.

Zer aurkituko duzu atari honetan?

• Informazio praktikoa eta lan-merkatuari buruzko artikuluak dituen bloga.
• Bizkaiko Foru Aldundiaren enplegu programa guztiak: laguntzak, bekak, ibilbideak, laneratzeko aukerak…
• Lana bilatzen edo hobetzen laguntzeko tutoretzak.

Beraz, lan bila bazabiltza, ez utzi zure ordenagailuan, tabletan edo mugikorrean Bizkaiko enplegu ataria kontsultatzeari. Edo, nahiago baduzu, eman alta zure ezaugarri eta beharretara egokitzen den eduki pertsonalizatua jasotzeko.