Kultura eta poesia berriz ere elkartuko dira Lauaxeta Olerki Lehiaketaren aurtengo edizioan. Euskal literaturaren XX. mendeko ahots garrantzitsuenetako bat izan zen poetari omenaldi egiten dion lehiaketa honek euskarazko sorkuntza literarioa sustatzea eta poesiari beste erakusleiho bat eskaintzea du helburu nagusi.

Lehiaketak aukera emango die bai idazle eskarmentudunei, bai belaunaldi berriei, euren lanak plazaratzeko eta publiko zabalarekin partekatzeko. Aurten, Lauaxetaren “Liparra” olerkiaren izenburua hartu da gaitzat. Parte-hartzaileek gai horren interpretazio librea egin beharko dute, betiere, jatorrizkoak eta argitaratu gabeak diren olerkiak osatuta.

Epaimahaia literatura eta poesian adituak diren kideek osatuko dute, eta lan bakoitzaren kalitate literarioa, jatorrizkotasuna eta adierazkortasun artistikoa baloratuko dira. Irabazleak 800 euroko saria jasoko du eta bigarrenak 500 eurokoa.

Urtez urte, Lauaxeta Olerki Lehiaketa kultur ekimen erreferente bilakatu da, memoria, nortasuna eta gaur egungo sormena uztartuz. 2025eko deialdiak espiritu hori berretsi eta berritzen du, euskararen, literaturaren eta adierazpen poetikoaren aldeko konpromisoa indartuz.

Parte hartu nahi dutenek lehiaketaren oinarriak eta beharrezko informazio guztia www.mungia.eus helbidean eta Udalak eskura jarritako bide ofizialetan aurkitu ahal izango dituzte.  

Lauaxeta Olerki Lehiaketaren bidez, idatzizko hitzaren balioa azpimarratu, sormen indibiduala sustatu eta euskal kulturarekiko konpromiso kolektiboa berritu gura ditu Udalak.