Dirulaguntzen programa honen bidez, kontratazioa bultzatu nahi da, bi jardun-arloren bidez:

I. arloa. Kontratazio mugagaberako pizgarriak

Haren helburua da Bizkaiko enpresek 4. oinarrian azaldutako pertsonak kontratu mugagabeen bidez kontratatzen laguntzea.

II. arloa. Esperientzia profesionala

Programa hauetakoren batean parte hartu duten pertsonen enplegagarritasuna bultzatzea du helburu:

a) Laborlan 2025 eta 2026 enplegu eta prestakuntzako programa mistoak, Barakaldoko DEMA Enpresa Garapenarekin lankidetzan kudeatuak.

b) Gazte on – Eraikuntzaren sektoreko prestakuntza teknikoaren programa.

c) Prestakuntza bidezko sustraitze-programa, Bizkaiko Foru Aldundiko Enplegua, Gizarte Kohesioa eta Berdintasuna Sustatzeko Saileko Enplegua Sustatzeko Zerbitzuak diruz lagundua eta Sartu Taldea Gizarteratzeko Elkartearekin lankidetzan kudeatua, migratzaileen enpleguan laguntzeko proiektu esperimentala finantzatzeko, prestakuntza bidez sustraitzea ahalbidetzeko (aurrerantzean, prestakuntza bidezko sustraitze-programa)

EPEAK:

- I. kapituluko 1. arloko dirulaguntzak eskatzeko epea. Kontratazio mugagaberako pizgarriak: 2026ko apirilaren 13an irekiko da, 9: 00etan, eta 2026ko ekainaren 15ean itxiko da, 13:30ea

- II. kapituluko 2. arloko —Esperientzia profesionala— dirulaguntzak eskatzeko epea foru-dekretu hau Bizkaiko Aldizkari Ofizialean argitaratu eta hurrengo egunean irekiko da, 9:00etan, eta 2026ko irailaren 25ean itxiko da, 13:30ean