• Noiz: Azaroak 19 eta 20
• Non: Hotel Carlton

Aurten ere, joerak eta aukerak ezagutuko ditugu, enpresa proiektu berriei hasiera emateko ez ezik, martxan dauden negozioei bultzada eta indar berria emateko ere.

Formatu berrian gatoz aurten: erabat aurrez aurre izango diren bi egun, SAREA EGITEA, pertsonen arteko harremanak, kontaktu profesionalak eta sinergiak izanik ardatz.

HITZALDIAK:

Hitzaldi interesgarriak eta mahai-inguruak entzungo ditugu, inguruko sare ekonomikoa eta haren joerak hobeto ezagutzeko lagungarri. Ekintzaile izateko aukeren berri izango dugu, eta proiektu bereziak abiarazi dituztenen pertsonen bizipen eta lekukotzak ez ezik, negozio proiektuak sendotu dituztenenak ere entzungo ditugu, guretzat inspirazio iturri izan daitezen.

Edizio honetan, egungo paradigma aldaketaren oinarri diren hiru trantsizioen garrantziarekin lotutako gaiak landuko ditugu: trantsizio teknologiko-digitalarekin, energia-ingurumen trantsizioarekin eta trantsizio demografiko-sozialarekin lotutakoak. Trantsizio horietako batean eragin positiboa duten proiektuen alde eginez baino ez dugu lortuko sare sozioekonomiko jasangarria eta erresilientea izatea.

“SAREtu” NETWORKING TAILERRAK

Zatoz Bizkaiko ekintzaileen artean sozializatzeko antolatu ditugun bi tailerretara, eta mokadutxo bat jatera gonbidatuko zaitugu hasierako lunch-ean, bertako produktuekin. Beste ekintzaile batzuekin hitz egiteko eta harremanetan jartzeko aukera izango duzu eta, aldi berean, ekintzailetzari laguntzeko erakundeetako profesionalak bertatik bertara ezagutuko dituzu.

EZAGUT GAITZAZU

Bizkaian ekintzaile izateko dauden zerbitzu, laguntza eta dirulaguntzen berri izan nahi duzu? Sarekin sarearen bitartez, toki bakar batean izango dituzu denak batera eskura.

KONEKTATU

Zuzenean online konektatu eta kontsultatu ahal izango duzu Sarekin saretik Bizkaian ekintzailetza indartzeko lan egiten dugun erakundeetako profesionalekin. Zalantzak argituko dizkizugu, eta ekintzaile izaten laguntzeko dituzun programen eta dirulaguntzen berri emango dizugu.