Zure etxean ingurumena zaintzeak saria du Berraktibatu+ ekimenean!

Gizarte-konpromisoa Osasuna eta ongizatea

Ikasi nola izan jasangarria zure etxean eta lortu zozketatzen diren sariren bat

Ingurumena eta baliabide naturalak zaintzeko egiten dugun keinu txiki bakoitzak balio du. Etxeko kontsumo ohiturek ere, eta ohitura horiek hobetzeak, zuzenean laguntzen du etorkizun jasangarria lortzen eta gure ingurumen-aztarna murrizten. Berraktibatu+ programak helburu hori lortzen lagundu nahi digu, iraunkortasun globalaren aldeko guztien parte-hartzea eta kontzientziazioa sustatuz. Programa horretan Bizkaiko Foru Aldundiak laguntzen du, besteak beste.

Berraktibatu+-ek gure etxeetan jasangarriak diren jardunbide egokiak erakusten dizkigu, adibidez, energia nola erabili, ura erabiltzeko modurik eraginkorrena zein den, erosketa arduratsua nola egin dezakegun eta elikagaiak ez alferrik galdu, gure etxeko hondakinak nola kudeatu eta behar bezala birziklatu, eta eguneroko joan-etorriak modu ekologikoagoan nola egin. Berraktibatu+-en aholkuei esker, zure etxea jasangarriagoa izango da, eta dirua aurreztu ahal izango duzu.

Orain, gainera, Berraktibatu+ ekimenean parte hartzen baduzu eta aholku horiek praktikan jartzen badituzu, sari bikainen zozketan sartuko zara, hala nola, asteburu bat landa-ostatu batean, bizikletak eta 0 kilometroko tokiko produktu ekologiko goxoen saskiak. Erregistratu dohainik ingurumena zaintzeko ekimen honetan parte hartzeko eta sari fantastikoren bat irabazteko. Oinarri osoak esteka honetan kontsulta ditzakezu.

Webgunean erregistratu ondoren, gako pertsonal bat jasoko duzu zure orri pertsonalera sartzeko. Bertan, hainbat gairi buruzko eskuliburuak aurkituko dituzu, aholkuz eta trikimailuz beteta, etxeko ingurumen-ohiturak hobetu ahal izateko. Praktikan jarriz gero, zure etxea eko-arduratsuagoa eta iraunkorragoa izatea lortuko duzu. Era berean, jasangarritasunaren ikuspegitik etxeko praktikak nola hobetu dituzun ikusteko planteatuko zaizkizun bost galdetegiei erantzun beharko diezu, eta ekintza guztiak amaitzean automatikoki sartuko zara sarien zozketan.

Sartu Berraktibatu+ webgunean, iraunkortasunari laguntzeko modurik onena zein den jakiteko eta opari zoragarrien zozketan parte hartzeko.

Argibide gehiago

https://reactivatemas.eus/

“Erregistratu zaitez ingurumena zaintzeko ekimen honetan parte hartu ahal izateko”