Uda ahaztezin baterako planak

Kultura eta sormena Osasuna eta ongizatea

Eguraldi onarekin batera jaialdiak, musika eta aire zabaleko kirola datoz Bizkaira

Uda mota guztietako jardueraz beteta heldu da Bizkaira. Uztaileko eta abuztuko egun luzeak eta gau laburrak ezin hobeak dira atseden hartzeko, dibertitzeko, kanpora ateratzeko, familiarekin eta lagunekin denbora pasatzeko eta hondartzez, mendiez, herriez eta Bizkaiak zuretzat duen onenaz gozatzeko.

Hona hemen uda ahalik eta gehien aprobetxatzeko Bizkaiak eskaintzen dizkizun jardueretako batzuk:

  • AurreraFest. Uztailean zehar Euskalduna Jauregian egingo diren 35 ikuskizun e ezberdinen artean aukera dezakezu: 19 kontzertu, 10 antzezlan, 4 bakarrizketa, dantza-saio bat eta magia-show bat. Ez huts egin. Egin klik hemen egutegi osoa ikusteko eta sarrerak lortzeko
  • Banda eta bakarlarien lehiaketak: Agertokira ateratzen dena zu izatea nahiago baduzu, tonuan jarri zure instrumentuak, prestatu zure konposizioak eta uda honetan Hiriko Soinuak eta Rockein! lehiaketetan parte hartu.
  • BIME PRO. Oraindik garaiz zaude musika-industriaren arloan duzun proiektu berritzailea aurkezteko eta errealitate bihurtzeko. Aurkeztu zure ideia BIME Statup Competition-i.
  • Eman azken ukituak zure film laburrari. Zinebik uztailaren 25era arte irekita du film laburren nazioarteko lehiaketan parte hartzeko epea. Atera barruan duzun arte guztia eta aurkeztu zurea.
  • Urmuga, mendi ibilaldi musikala. Musika eta natura elkartuz, Urmugak 19 egunez eramango zaitu mendietan zehar, bidea musikarekin batera lagunduz.
  • Ibilbideak bizikletaz. Zure bizikletarekin gozatzeko bidegorriak, berdeguneak eta errepide-ibilbideak ezagutu. 14 ibilbide dituzu Bizkaia osoan, zure mailara hobekien egokitzen direnak aukera dezazun.
  • Urdaibaiko arranoak ezagutu. Izena eman Urdaibaiko Biosfera Erreserban bizi diren arrano arrantzaleei buruzko guztia ikasteko irteeretan, Urdaibai Bird Centerretik igaroz.
  • Gainera, Bizkaiko museoek, aretoek eta intereseko lekuek jarduera-katalogo zabala dute zuretzat, besteak beste, irteerak itsasontziz, bisita gidatuak, dantza-ikuskizunak eta ibilbide historikoak Bizkaiko iraganetik paseatzeko.

Gogoratu ere, Androiderako eta IOSerako eskuragarri dagoen BizkaiUp aplikazioan uda honetarako jarduera guztiak, hondartzen egoera eta gehien interesatzen zaizkizun berriak dituzula.

Eta VisitBiscayn oraindik ezagutzen ez dituzun Bizkaiko txoko guztiak bisitatzeko planak aurkituko dituzula.

"Aurtengo udan, gozatu Bizkaiak zuretzat duen onenaz"