Barakaldo, Portugalete, Santurtzi eta Sestaoko udalek Gazte Artea Ezkerraldean erakusketaren XII. edizioa aurkeztu dute. Erakusketa zirkuitu horrek aukera eskaintzen die eskualdeko 15 eta 29 urte bitarteko artista gazteei beren sorkuntzak erakusteko eta lagundu ere egiten die artearen eta kulturaren esparruko sustapenean.

Gazte Artea Ezkerraldean erakusteka-zirkuituak erroak egin ditu Ezkerraldean eta betidanik agertu du eskualdeko neska-mutilen talentua. Hambigarren edizio honetara arte, 48 artistek izan dute beren sormena erakusteko aukera, pintura, grabatu, ilustrazio, argazkigintza, marrazki digital eta eskultura diziplinetan egindako lanaren bidez.

Hamabigarren edizioa irailaren 13an hasiko da Barakaldoko Gazte Bulegoan.

• Barakaldo: irailaren 13tik urriaren 17ra Gazte Bulegoan.
• Sestao: urriaren 21etik azaroaren 15era Udalaren Musika Eskolan.
• Santurtzi: azaroaren 19tik abenduaren10era Mamariga Kulturgunean.
• Portugalete: 2024ko abenduaren 13tik 2015eko urtarrilaren 4ra Gazte Gelan.

Iratxe Esteve Cuesta. Barakaldo, Barakaldon bizi den diseinatzaile grafi koa eta artista. Sorkuntza eta Diseinuko Gradua eta Arte Ikerketa eta Sorkuntzako Masterra, biak UPV/EHUn. Bizkaiko ERTIBIL 2022 Ikusizko Arteen Erakusketa Ibiltarian hautatu zuten (2022ko uztaila - 2023ko urtarrila), eta Rekalde Aretoan (Bilbo), Arizko Dorrean (Basauri), Euskaldun Berrian (Arrigorriaga), Santurtziko Dorretxean eta Horcasitas Jauregian (Balmaseda) erakutsi zituzten. Gainera, Euskadiko eta Asturiasko hainbat kolektibotan parte hartu du. Bere azken bakarkako erakusketa, “Begiraden paisaia”, Borron aretoan (Oviedo), 2024ko apiril-maiatzean, Artista Gazteen Erakusketa Programaren irabazleetako bat izateagatik “Culturaquí” 2023 programa.

Enara Conde Moreno. Sestao, Ez naiz gogoratzen marrazkiaz interesatzen hasi nintzenean; pentsatzen dut betidanik nirekin dagoen zerbait dela. Uda batean, Arte Ederrak ikasten ari nintzela, koaderno bat bete nahi izan nuen inguruan ikusten nuena marraztuz, eta harrezkero ezin izan diot utzi egiteari. Era guztietako gaiak interesatzen zaizkit, bai egunerokotasunean gertatzen dena, bai ekitaldi publikoagoak. Niretzat marrazkia mundura hurbiltzeko modu bat da, nolakoa den jakiteko aurkikuntza txikiak egiteko modu bat, bizitzen ari naizen unearen edertasunaren zati bat nirekin eramateko aukeraz gain.

Nerea Ruiz Pichel. Santurtzi, Haurtzaro osoan eta nerabezaroaren zati batean pintura eta marrazketa klaseetara joan nintzen. Negozien Kudeaketako Gradua eta Marketin Digitaleko masterra egin nituen, artearen esparruarekin zerikusirik ez zutenak, baina beti izan dut lekua artearentzat. Gaur egun, Bilboko Marketin Digitaleko agentzia batean ari naiz sare sozialetarako sormen-lanetan, eta, aldi berean, ilustrazio digitalean, crochetean, scrapbookingean, marrazkian eta zeramikan jardun dut, Marrubi izenarekin, sare sozialetan.

Irantzu Antuñaño González. Portugalete, Sineskeria eta magia inspirazioaren osagai nagusi izanik, beti gustatu izan zaio marraztea eta sortzea. Egunerokotasunaren mistikoan eta gerora herri-malenkoniaren ikono bihurtu diren elementuen mitifi kazioan oinarritzen da batez ere: elezaharrak, kutunak, bitxiak, tokenak… Txikitatik arropa egin dio amak, eta kolore eta egitura desberdinetako oihalez inguratuta bizitzeak joskintzak gero eta erakargarriago sentiarazi du. Beraz, EHUn Sorkuntza eta Diseinu Gradua amaitu ondoren, Patroigintza eta Moda ikasten ari da. Nahiz eta diseinu grafi koko muralak eta proiektuak ere egin dituen, arte grafi koak eta ehungintzako artea dira bere pasioak, eta horiek fusionatzeko modurik onena rapportak eta ehungintzako ilustrazioa dira, bai digitalean, bai estapanzioaren bidez.