Zure bizikleta edo patinetea erabiltzen baduzu ikastera, lanera edo, besterik gabe, hirian zehar mugitzeko, garrantzitsua da oinarrizko segurtasun-neurri batzuk kontuan hartzea, zure helmugara arazorik gabe irits zaitezen.

Bizkaiko Foru Aldundiak “Bizikletan edo patinetean zirkulatzen baduzu, kontuz” kanpaina aurkeztu du. Bertan, oinarrizko zirkulazio-neurriak biltzen ditu, patinetean edo bizikletaz zoazenean, zirkulazio-arauak eta beste ibilgailu eta oinezkoekiko bizikidetza kontuan har ditzazun, patinetean edo bizikletan ibil zaitezen, zuretzat eta gainerakoentzat segurtasun osoz.

Joane Somarriba txirrindularia eta Javier Antón aktorea dira Diputazioaren webgunean eta sare sozialetan ikusi ahal izango dituzun kanpainaren zazpi tutoretza-bideo dibertigarrien protagonistak. Bideo hauetan, bizikletaz edo patinetez ibiltzen garenean izaten diren portaera desegoki ohikoenak errepasatzen dira:

• Kaskorik gabe ibiltzea, bereziki nahitaez erabili beharreko ibilbideetan.
• Zirkulatzen ari den bitartean telefono mugikorra erabiltzea.
• Semaforoak gorriak saltatzea.
• Errepidean ardurarik gabe ibiltzea.
• Instalatutako laguntza-tresnak, BiziPuntuak esaterako, behar bezala ez erabiltzea.
• Oinezkoentzako espaloi edo guneetan zehar zirkulatzea.

Bideo horiez gain, Bizkaiko Foru Aldundiak txirrindularientzako bide-segurtasunari buruz ematen dizkizun aholkuak ere ikus ditzakezu esteka, honetan aurkituko dituzun liburuxketan, gehien atsegin duzun garraiobideaz segurtasunez gozatzeko gakoekin.

Eta zure bizikletari edo patineteari etekin guztia atera nahi badiezu Bizkaian ibiltzeko, Bizkaia Bizikletaz, ibilbideen planifikatzailea duzu eskura, bidegorriei, tailerrei eta garbiketa-guneei, bisita ditzakezun tokiei eta pedalei emanda ahalik eta gehien gozatzeko ibilbideei buruzko informazioarekin.