«Bizkaia Konpondu» kanpainari atxiki ahal izango zaizkio egoitza fiskala Bizkaian duten establezimenduak, baldin eta Jarduera Ekonomikoen gaineko Zergaren epigrafe hauetan sartuta badaude:

- 656 Ondasun erabilien txikizkako merkataritza, esaterako, altzariena, jantziena eta/edo etxean erabiltzeko ohiko tresnena.

- 691.9 Bestelako kontsumo-ondasunen konponketa

- 691.1 Etxerako gai elektrikoak konpontzea

- 1/699 Beste konponketa batzuk

- 971.3 Arropak zuritu eta konpontzea

Xedea da «Bizkaia Konpondu» 2026 kanpaina garatzeko dirulaguntzak emateko oinarriak eta deialdia ezartzea.

«Bizkaia Konpondu» kanpainak atxikitako establezimenduen eta, oro har, herritarren artean bonuak trukatzeko sistema bat egituratzen du, lehenengoek beren konponketa-zerbitzuak diruz lagundutako kostuarekin eskaini ahal izan ditzaten.

Kanpaina honetan honako konponketa-zerbitzu hauek eskain daitezke:

a)  Ondasun erabilien (altzariak, jantziak eta/edo etxean erabiltzeko ohiko tresnak) txikizkako merkataritza.

b)  Ehungintza eta osagarriak konpontzea.

c)  Etxetresna elektrikoen eta etxerako eta lorategirako ekipoen konponketa.

d)  Etxeko ordenagailuen eta periferikoen konpontzea.

e)  Oinetakoak eta larruzko gaiak konpontzea.

f)  Altzariak eta etxeko gauzak konpontzea.

g)  Komunikazio-ekipoak konpontzea.

h)  Etxean erabiltzeko audio, argazki eta bideoko aparatu elektronikoak konpontzea.

i)  Erlojuak eta bitxiak konpontzea.

j)  Beste gauza pertsonal batzuk eta etxean erabiltzeko gaiak konpontzea.