Oraindik ez duzu Bizkaibuseko app berria? Zeren zain zaude? Diseinu berrituarekin eta funtzionalitate berriekin, aplikazioa eskuragarri dago Androiderako Google Play-n, eta iOSerako App Store-n.

Dudarik gabe, bere funtzionalitate nabarmenen artean, bidaia hasieratik amaierara planifikatzeko aukera dago. Hemendik aurrera, gehien egokitzen zaizkizun ibilbideak diseina ditzakezu, baita transbordoak eta horien gutxi gorabeherako iraupena ere. Gertuen dagoen geralekua geolokalizatzeko aukera ere daukazu, oinezko ibilbideak eta ibilbideen gutxi gorabeherako iraupena bistaratuz. Bilaketa irekia du, eta ibilbideen udalerria, abiapuntua eta helmuga posta-helbidearen edo intereseko lekuen bidez aurkitzeko aukera ematen du. Zure bilaketak erosoago egiteko, zure geraleku eta linea gustukoenak pertsonalizatu ahal dituzu.

Bidaia aldez aurretik planifikatu ez baduzu eta itxaropenak aurreztu nahi badituzu, denbora errealean kontsulta ditzakezu ordutegiak. Hau da, app-ak autobusa zure geralekura iristeko falta den denbora erakusten dizu, edo bere kokapen zehatza denbora errealean. Geralekutik igarotzen diren linea guztien itxarote-minutuak ezagutzeko beste modu bat, markesinetan eta Bizkaibuseko geraleku bakoitzeko zutoinetan instalatutako QR kodeak eskaneatzea da. Bestalde, QR irakurle beretik, zerbitzuaren informazio gehigarria eskura dezakezu.

Eta hori ez da guztia! App-aren bidez, gorabeherei, zerbitzu bereziei, tarifa-aldaketei eta Bizkaibusen zerbitzuarekin lotutako edozein abisu edo alertari buruzko informazio eguneratua eskura dezakezu uneoro. Azkenik, zalantzak, iritziak eta irakizunak jakinarazteko aukera izango duzu, "Gurekin kontaktatu" atalaren bidez.