Cancha Libre bitartekaritza programa bat da, 16 eta 25 urte bitarteko gazteek osatutako talde bat. Rekalde Aretoarekin lankidetzan arte eta kultura garaikideari hurbiltzeko era ezberdinak planteatu eta esperimentatuko ditugu.

Rekalde Aretoko erakusketetik abiatuz, esparru ireki bat sortu nahi dugu, non bururatzen zaizkigun gaiak partekatzeko aukera izango dugun. Programaren norabidea taldeak erabakiko du, badakigu nola hasi baina ez nola amaitu.

Eta 2023ko maiatzaren 30etik ekainaren 11ra, Txabola, Cancha Libretik sortutako proposamena da, berezko espazio bat sortzeko beharraren ondorioz. Txabola bat eraikiz, taldeak Rekalde Aretoaren barruan duen lekuaren inguruan hausnartu nahi du, baita bertan nola bizi nahiko duten ere. Txabola leku iragankor eta aldakorra izango da, eta bi astez hainbat jarduera proposatuko dira bertan.