Dirulaguntza hori eskuratu ahal izango dute bai gizarte-enpresa berriko proiektu bat duten pertsona fisikoek, bai lehendik dauden enpresek eta gizarte-erakundeek, bai azken horiek ordezkatzen dituzten erakundeek.

Helburu bikoitza dute: enpresen artean eragin sozial handiko ekintzailetza berritzailea sustatzea, erronka sozialekiko konpromisoa areagotu eta lehiakorragoak izan daitezen; eta entitateek izaera sozial eta berritzaileko enpresa-proiektu berriak gara ditzaten bultzatzea.

Enpresa eta proiektu horien eremuak ingurumena, zahartze aktiboa, osasuna eta ongizatea eta gizarteratzea izango dira.

Programa lau jardun-arloren bidez gauzatuko da:

• 1. arloa – Gizartean eragin handia duten enpresa-proiektu berritzaileak egiaztatzea. Bizkaian gizarte-eragin handiko enpresa-proiektu berritzailearen negozio-proposamena merkatuan alderatu eta baliozkotzeko.
• 2. arloa – Gizartean eragin handia duten empresa proiektu berritzaileak garatzea.
  • Bizkaiko merkatuko produktuetan, prozesuetan edo zerbitzuetan soluzio berriak sartzea; helburua da balio erantsia gehitzea, bideragarritasun-aukerak izatea eta dekretu honen helburuak sustatzea. Teknologia berriaren edota ezagutzaren gako diren elementu bereizgarriak enpresa edo talde sustatzailean kokatu behar dira.
  • Egungo soluzioek estaltzen ez duten gizarte-behar bat zuzenean eta argi eta garbi ebazten laguntzeko negozio-eredua izatea. Helburua da pertsonen eta ingurunearen onurarako aldaketa positiboak, adierazgarriak eta jasangarriak ematea. Beharra honako arlo hauen barruan egongo da: ingurumena, zahartze aktiboa, osasuna eta ongizatea nahiz gizarteratzea.
• 3. arloa – Gizartean eragin handia duten enpresa berriak. Gizartean eragin handiko enpresa berritzaile berrien sorrerako dirulaguntza.
• 4. arloa - Enpresa-proiektu sozial berritzaileak gizarte-erakundeentzat. Diruz laguntzeko egitatetzat joko da enpresa-proiektu sozial berritzaileen definizioa, garapena eta abiaraztea.

Foru laguntza honen kudeaketan erakunde laguntzaile bezala, Beazen zure proiektua zurekin kontrastatu eta aztertzen dugu. Gure laguntza izango duzu!