1989. urtetik aurrera jaio diren eta 2023ko urtarrilaren 1etik Bizkaian erroldatuta dauden pertsona fisikoak, edo 2023/2024 ikasturtean Euskal Herriko Unibertsitateko Arte Ederretako Fakultatean matrikulatuta daudenak, maiatzaren 31ko 5/2005 Foru Arauaren 12. Artikuluan jasotako kausetan sartuta ez badaude.

Deialdi honen helburua da 2024ko deialdirako «Ertibil-Bizkaia» Ikus-arteen Erakusketa Ibiltarirako obrak aukeratzea eta Bizkaian sortzen ari diren artistei sariak ematea; honako modalitate hauek sartzen dira deialdian: pintura, eskultura, grabatua, argazkigintza eta bideoa.

Horren bidez, Bizkaiko artistei lagundu nahi zaie beren ibilbidearen lehen etapan, beren obrak erakusteko, beste artista gazte batzuekin konektatzeko eta beren ibilbide profesionala garatzeko urrats berriak emateko aukera eskainiz.

Erakusketa horren bitartez gehienez ere 18 artelan erakutsiko dira, aurreko modalitate horietako guztiak batuta, Euskal Autonomia Erkidegoko hainbat udalerritan.

Eskabideak aurkezteko epea:

1. Eskabideak eta agiriak: 2024ko otsailaren 21etik 2024ko martxoaren 1eko 13:30era.
2. Artelana: 2024ko martxoaren 18, 19, 20 eta 21ean, 9: 30etik 13:00etara, Basauriko Elkartegian (Cervantes etorbidea, 49 - 33. modulua).