Irailaren 28tik 30era, Bilbok BBK Bilbao Kultura Social Forum topaketaren edizio berri bat hartuko du. Kulturaren, pentsamenduaren, zientziaren eta gizartearen ahotsak bilduko ditu, geure buruari galdera berriak egiteko.

(E)zinezko etorkizunak lelopean, edizio honek hautsita, aldatzen zaila edo are ezinezkoa dirudienari beste modu batera begiratzera gonbidatzen gaitu.

Kintsugia hausturak istorio berri baten parte bihurtzen dituen teknika da. Hori da BBK Bilbao Kultura Social Forum-en nortasuna: kultura gure errealitateak konpontzen eta eraldatzen dituen kintsugi gisa ulertzea. (E)zinezko etorkizunak arrakalei begiratzera ausartzetik hasten da.

Eta kulturak beste etorkizun batzuk irudikatzen lagunduko baligu?

BBK Bilbao Kultura Social Forum nazioarteko erreferentziazko topaguneetako bat da, eta kulturaren bidezko gizarte-berrikuntzaren adibide inspiratzaileak biltzen ditu.

Gaur egungo testuinguru konplexuan, Fair Saturday fundazioak funtsezkotzat jotzen du gizartea sentsibilizatzea kulturak gizarte bidezkoagoak eta garatuagoak eraikitzeko duen garrantziaz. Horretarako, beharrezkotzat jotzen du gizarte-eraldaketako proiektu zehatzak ezagutaraztea eta haien arteko nazioarteko loturak sortzea.
Ikuspegi horretatik sortu zen 2017an BBK Bilbao Kultura Social Forum, kulturaren eta gizartearen arloko lider nabarmenen mundu mailako topagunea, kulturaren ahalmen eraldatzaileari buruzko esperientziak eta hausnarketa humanistak partekatzeko.