• Arte Ederretako lizentziatura edo gradua izatea, kultura-ondasunak kontserbatzeko eta zaharberritzeko espezialitatearekin (esaterako, pinturan, paperean eta eskulturan), edo Kultura Ondareen Kontserbazio eta Zaharberritzeari buruzko lizentziatura edo gradua.
• Eskatutako unibertsitate-titulua lortzera bideratutako ikasketak 2017-18 ikasturtetik (barne) aurrera amaitu izana. Epeari dagokionez, diplomatura, lizentziatura edo gradua amaitu izana baino ez da aintzat hartuko; izan ere, ez da kontuan hartuko doktorego ikastaroen edota graduondoko bestelako ikasketen amaiera data.
• Batez besteko nota berariaz adierazten duen espediente akademikoa. Atzera botako dira oso ongi notatik beherako batez besteko balorazioa duten espediente akademikoak.
• Ezagutza aurreratuak argazkigintzan eta irudien tratamendu digitalean.
• Hizkuntzak: ingelesa. Aintzat hartuko da beste hizkuntza batzuetan ezagutzak izatea.

Museoko Kontserbazio eta Zaharberritze Sailerako bi posturako deialdia egin da.

Beken onuradunek honako jarduera hauek gauzatuko dituzte:

• Museoaren bilduma kontserbatzeko eta zaharberritzeko tratamenduak egitea.
• Egindako lanak dokumentatzea.
• Mailegu-proiektuetan eta aldi baterako erakusketetan parte hartzea.
• Ikerketa teknikoko lanak.

• Iraupena: Programa 2024ko irailaren 1an hasiko da, eta hamar hilabeteko iraupena izango du. Beka behin bakarrik luzatu daiteke, beste hamar hilabetez.
• Zenbatekoa: 15.000 €.