Jarri zure bizikleta prest Bizikletaguneetan

Osasuna eta ongizatea

Bizikletak konpontzeko Bizkaiko guneetan zer egin dezakezun azalduko dizugu.

Hemendik aurrera, gurpil puztu batek edo azkoin solte batek ez zaitu geldiaraziko. Zure bizikleta inoiz baino hobeto egongo da, Garraioak eta Mugikortasun Jasangarria Sustatzeko Sailak txirrindulariek gehien erabiltzen dituzten Bizkaiko zenbait guneren ondoan jarri dituen sei Bizikletagunei esker.

Puntu horietako bakoitzean, bizikleta mantentzeko behar dituzun tresnak aurkitu eta erabili ahal izango dituzu askatasunez eta doan, hala nola bihurkinak, giltza ingelesak, finkoak eta allenak; azkoinak eta torlojuak estutu ahal izateko eta balaztak, platerak eta kateak prest jartzeko.

Eskuz puzteko sistema bat ere aurkituko duzu, manometroarekin, zure bizikletaren gurpilak nahi bezala puztu ahal izateko, eta aldatu behar badituzu, pneumatikoen estalkiak muntatu eta desmuntatzeko tresnak, edo zulaketa bat konpondu, eusteko besoetan zintzilik duzun bitartean, zeregin horiek guztiak errazteko.

Ekipamendu hori guztia eskuragarri duzu Bizikletagune hauetan:

  • ZIERBENA: Arena hondartzan, bidegorririk ibilienetatik gertu daudenak.
  • SANTURTZI: bidegorrian, Zierbenako mugan.
  • PORTUGALETE: Ganerantz parketik igarotzen den bidegorrian.
  • SESTAO: Galindoko kirol-instalazioen ondoan.
  • BARAKALDO: BEC-aren aurrean, Ansioko Metro Bilbaoko geltokiaren parean eta udal bidegorrian.
  • GETXO: bidegorrian, Fadurako kiroldegiaren ingurutik oso gertu.
  • MARKINA: Beheko Benta kalean, 18B zenbakiaren aurrean.
  • AMOROTO: Oletan. Ugaran auzoan, Ibai Gane jatetxearen atzean.
  • LEKEITIO: Arropainen. Autokarabanetarako aparkalekuan.
  • ONDARROA: Zaldubide kalean, kiroldegiaren ondoan.
  • AMOREBIETA-ETXANO: Nafarroa kalean, Bolatokiaren ondoan.
  • IURRETA: N-634 errepidean, Iurretako Liburutegiaren ondoan.
  • DURANGO: Landako kiroldegiaren ondoko biribilgunean eta Alluitz kaleko 15. zenbakiaren aurrean.
  • ABADIÑO: San Trokaz kalean, eskolen ondoan.
  • BERRIZ: Larreta Markina kalean, Berrizburuko futbol zelaiaren ondoan.
  • ERMUA: Mallabia errepidean, BMren (San Pelaio) ondoan; eta Eitzaga errepidean, aparkalekuaren ondoan (San Lorentzo).
  • IZURTZA: Elizalde kalean, frontoiaren atzeko aparkalekuan.
  • ELORRIO: Nizeto Urkizu kalean, kiroldegiaren atzean.

Bizikletagune zutoinetan bi QR kode aurkituko dituzu. Lehen kodeari esker, zure mugikorrean eta modu errazean, mantentze-estazio horiek nola funtzionatzen duten eta horietan egin dezakezun guztia ikusi ahal izango duzu.

Bigarren QRak "Bizkaia bizikletaz - Bizkaia en bicicleta" atalerako sarbidea emango dizu. Bertan, adibidez, bizikleta-sarearen bistaratzaile bat aurkituko duzu, bidegorri guztien ibilbidea erakusten duten mapak eta planoak dituena, edo bizikleta bat alokatzeko puntuak dituena.

Informazio gehiago nahi baduzu, sakatu hemen.

Bizikletaguneetan, bizikleta mantentzeko behar dituzun tresna guztiak aurkitu eta doan erabili ahal izango dituzu