Data: 2026ko urriak 26 eta 27

Lekua: Bizkaia Aretoa, Abandoibarra etorbidea, 3 Bilbo

Badirudi bizi dugun testuinguruak harremanak etetera eta gizarte-kohesio faltara garamatzala. Gizarte-eredu horren arabera, herritar asko bakarrik sentitzen dira komunitate-sentsaziorik, kidetasun-sentsaziorik, nortasun-sentsaziorik eta pertsona guztientzako etorkizun hobe baten bilaketarik ez dutelako. Bizikidetza gero eta ahulagoa da, komunitate-guneek garrantzia galtzen dute eta horrek ikuspegi komunitarioa garatzen dugun errealitatea eraldatzen du. 

Horren aurrean, Bizkaiko Foru Aldundiak gizarte-kohesioaren aldeko apustua egiten du. Kohesio soziala, aniztasuna, desadostasuna eta pertsonen eta kolektiboen arteko desberdintasunekiko tolerantzia eskasa aitortzea eta onartzea eskatzen duena. Gizarte-kohesioak pertsonen eta kolektiboen inplikazioaren, parte-hartzearen eta erantzunkidetasunaren aldeko apustua egiten du, batzen gaituen horren eraikuntzan, bizikide ditugun pertsona guztientzat garrantzitsua denaren eraikuntzan. Helburua, beraz, tokikotik eta hurbiletik gizarte-kohesioaren eta bizikidetza globalaren aldeko apustua egitea da.

Horregatik, egun eta erdiko kongresu bat egitea planteatzen dugu, gai horretan sakontzeko, inaugurazio-txosten batetik abiatuta eta interesgarriak diren esperientziak eta gogoetak entzun eta partekatuz. Laster eguneratuko dugu programa, baina Manuela Barretok inaugurazio-hitzaldia emango du. Barreto bizitza osoko bakardadeaz arduratzen da, bai eta kulturak, identitateak, estigmak eta (des) konexio sozialeko esperientzietako bizi-trantsizioek duten eginkizunaz ere.