• Langabezian egotea.
• Adinez nagusiak izatea.
• Bizkaian erroldatuta egotea.
• DBH edo Eskola Graduatu titulua egiaztatzea (ez da eskatzen sektorean aldez aurreko ezagutzak izatea) eta galdaketaren sektoreko lanbide bat ikasi nahi izatea.
• Metaleko sektoreko lanpostuetan izandako esperientzia baloratuko.
• Txandatan eta/edo jaiegunetan lan egiteko prestasuna.
• Taldean lan egiteko, arazoak konpontzeko eta erantzukizunez jokatzeko gaitasuna.
• Hala behar bada, Lan Baimena aurkeztea

LABORLAN II proiektua hainbat jarduera-lerrotan dago zatituta, eta horietako bat enplegu-prestakuntza programa bat da, Euskadiko eta Nafarroako Galdatzaileen Elkartearen (ENGE) lankidetzaz egingo dena; izan ere, Bizkaiko Lurralde Historikoaren galdaketaren sektorean ordezkaritza gehien duen erakundea da, eta eragile gakoa da, sektorearen beharrak hautemateko eta profil eta gaitasun profesionalen eskaintzaren eta eskariaren arteko egokitzapena errazteko.

Enplegu-prestakuntza programa mistoa. Laguntza integrala, prestakuntza, lan esperientzia (lau hilabete arteko lan kontratuarekin) eta enpresetara hurbiltzea eskaintzen dizu programa honek.

Ez dira ikastaroak soilik, ezta beste enplegu-programa bat ere. Aldez aurretik lan egin dugu enpresekin, langile kualifikatuak behar dituzten sektoreak zein diren jakiteko.

Akonpainamendu integralari esker, lan-orientazioa, tutoretza, gaitasun pertsonaletan trebakuntza izango duzu, bai prestakuntzaldian, bai kontratazioaldian, bai eta programaren iraupenaz haraindiko jarraipen pertsonala ere, zure laneratzea bilatuz.