Lea-Artibai eskualdean, 2022-2023 epealdian (2023-10-31 baino lehen), negozio berri bat martxan jarri duen edozein ekintzailek parte hartu ahal izango du. Emakume ekintzaileari zuzendutako sarian ezinbesteko baldintza izango da eskualdeko herriren baten erroldatua egotea, baita gazteei zuzendutako sarian ere. Azken horretan, gainera, ekintzaileak 18-35 urte bitarteko adina izan beharko du.

Ekimen honen helburu nagusiak dira Lea-Artibaiko ekintzaileak omentzea, eskualdean lanpostuak berriak sortzea eta emakumeen artean ekintzailetza sustatzea. Leartibai Sarien lehenengo edizio honetan 5 modalitate sarituko dira (sariak ez dira beraien artean bateragarriak):

• Negozio-ideia berritzaile onenari saria: 2.000 €.
• Merkataritza, ostalaritza, turismo eta zerbitzu enpresa onenari saria: 2.000 €.
• Kooperatiba ereduari saria: 2.000 €.
• Gazteen negozio-ideia onenari saria: 2000 €-ko erosketa bonu bat.
• Emakume ekintzaileari aipamen berezia eta saria: 500 € eskudirutan.

Saria eskuratzen duten ekintzaileek Lea-Artibai Berrikuntza Gunean dagoen Enpresa Haztegian kokatzeko lehentasuna izateaz gain, Leartibai Fundazioak kudeatzen dituen programa ezberdinetan parte hatzeko erraztasuna izango dute. Gainera, negozio-ideiaren garapenean eta azelerazioan aholkularitza jasoko dute fundazioko ekintzailetza-teknikarien eskutik.