Zortzi egunetan banaturiko 12 ekitaldi izango dira.

Mareak Jaialdiak diziplina anitzeko proposamena izan nahi du, tradizioa eta abangoardia uztartuz poesian musikan, ipuinetan, antzerkian, performance arteetan, dokumentaletan, hitzaldietan, filmetan edota zine forumetan. Gure komunitateari kultur ekitaldi sortzailea, ezberdina eta konplexurik gabekoa eskaintzeko asmoz sortu da jaialdia.
Adin eta kultur ezagutza ezberdinetako pertsonak elkartzen dira, munduan zeharreko egitasmo txiki eta ederrez gozatzeko. Esate baterako, Erdi Aroko sustrai zeltadun ipuinen, Mississippiren deltako blues ilunen edota euskal mitologiaren artean dagoen haria bilatzen dugu horretarako.
Horren guztiaren azpian ideia bat dugu: kultura herrikoiak askoz gehiago eman dezake pentsamendu irekiarekin eta jarrera harkor batekin.