Arreta Integraleko Zerbitzua Bizkaiko Foru Aldundiak sexu-indarkeriaren biktima diren emakumeentzat eskaintzen duen zerbitzu berria da. Zerbitzuak laguntza eskaintzen die sexu-indarkeriaren biktima diren eta bizirik atera diren 18 urtetik gorako emakumeei, sexu-indarkeriaren biktima diren eta bizirik atera diren adingabeei, betiere Umeen Zerbitzuak, biktimaren senide eta gertuko pertsonei, Gizarte Zerbitzuen arloko profesionalei, hezkuntza-arlokoei eta osasun-arlokoei.

Emakume hauek bi zentro dituzte eskura, bata publikoa, Bilboko Ledesma kalean, eta bestea konfidentziala; zeinek hiru arreta mota eskaintzen dituzte: krisia, herritarrei informazioa ematea eta erabateko susperraldia, non laguntza jaso dezakete.

• Krisi Egoeretarako Arreta Zentroa. Zentro honen kokapena konfidentziala da. Hemen esku-hartzea eskaintzen da larrialdi-egoeretan (7/24), informazioa eta aholkularitza (7/24), aldi baterako ostatua, banakako arreta psikologikoa, aholkularitza soziojuridikoa, gizarte-arreta, garraioa eta itzulpena. Hain zuzen ere, zentro honek dituen bost egoitzetako batean egun batzuez biktima kokatzeko aukerak haren kokapena konfidentziala izatea azaltzen du.
• Herritarren Arretarako eta Suspertze Integralerako Zentroa. Zentro hau Bilboko Ledesma kalean dago eta bere zerbitzuak eskaintzen ditu astelehenetik ostegunera goizeko bederatzietatik arratsaldeko seiak arte eta ostiraletan goizeko zortzietatik arratsaldeko hirurak arte. Han, herritarrei eta profesionalei eskainitako arretaren esparruan, informazioa eta aholkularitza, arreta soziala, aholkularitza soziojuridikoa, arreta psikologiko indibiduala, itzulpena eta prestakuntza/kontzientziazioa/dibulgazioa eskaintzen dira. Errekuperazio integralaren esparruan, ordutegi berdinekin, arreta soziala, aholkularitza soziojuridikoa, arreta psikologiko indibiduala eta itzulpengintza eskaintzen dira.

Laguntza behar baduzu edo laguntza behar duen norbait ezagutzen baduzu, hainbat modutara jar zaitezke harremanetan zerbitzuarekin: Ledesmako zentrora zuzenean joan, 900 840 977 telefono-zenbakira deitu, mezu bat bidali atencionviolenciasexual@bizkaia.eus helbidera edo haren webgunea bisitatu (txat zerbitzu bat ere badago bertan).